Hotunan Abdulmumin Jubrin da kyakyawar matarsa

Dan majalisar wakilai da aka dakatar Abdulmumin Jibrin da matarsa Maryan Augie sunyi bikin murnar zagayowar aurensu a yau, 24 ga watan Nuwamba.

Jibrin ya je shafinsa na Instagram don ya nuna wa kyakyawar matar tasa irin so da kulawa da yake yi mata. Abu na farko da ya buga ya kasance hoton ta tana murmushi sannan ya ce: “Da Maryam a gefenka, je ka kwanta kawai!!! Yaro, je ka kwanta… Da irin wannan murmushi na dun-dun-dun a fuskarta sa’oi 24, sannan kuma ana tambayana dalilin da yasa nake tsalle a ko da yaushe kamar karamin yaro? Na kasance mijin Hajiya mai aji.”

KU KARANTA KUMA: Ma’aurata sun tarbi tagwaye bayan shekaru 20 da aure

Ya buga hotunan fuskarta ya kuma bayyana cewa 24 ga watan Nuwamba ya kasance ranar haihuwarta kuma. Yace: “Masoyiyata, duk ranar 24 ga watan Nuwamba na kasance wa ranar murna biyu ga ke da mu- ranar haihuwarki kuma ranar zagayowar aurenmu."

 “Murnar ranar haihuwa ga wannan baiwa mai son zaman lafiya da tausayi, abokiya mai biyayya, ya mai tarbiya, kanwa mai kula, sirika wacce ta cancanta, uwa ta gari kuma matar alfahari gare ni, Maryam Augie-Jibrin.”

 “Allah Ubangiji ya ci gaba da baki nisan kwana cikin koshin lafiya, zaman lafiya, nutsuwa da ci gaba… Allah ya saka ma kokarinki mara karewa, sadaukarwa.”

KU KARANTA KUMA: Buhari zai gabatar da kasafin kudin 2017 mako mai zuwa

Ya karkare tsarin soyayyarsa ta hanyar buga wani hoton tare. Ya rubuta a hoton: “Murnar zagayowar ranar aure!!! Da wuya a yarda amma da wuya wata rana ta wuce ba tare da munyi dariya ba.”

 “kamar yadda na fada a lokacin aurenmu, ina ji ajikina nine namiji mafi wayo a duniya da na ciri tuta a kankisannan kuma aurenki na daya daga cikin shawara mafi kyau da na taba daukar ma kaina. Ina jin haka yanzu fiye da da.

 “Abunda zan iya cewa shine Masha Allah… Allah ya karo albarkansa a kanmu ya kuma kare mu daga baki da idanun mugayen mutane.”

Asali: Legit.ng