Jiga-jigan yan jam'iyyar PDP dake son maye gurbin Buhari a zaben 2019

Jiga-jigan yan jam'iyyar PDP dake son maye gurbin Buhari a zaben 2019

Kamar a jiya ko shekaranjiya ne aka rantsar da Shugaba Muhammadu Buhari a matsayin wanda ya kayar da shugaban kasa na wancan lokaci, Goodluck Ebele Jonathan. Amma za a iya cewa kusan shekara biyu kenan, tun bayan nasarar da jam’iyyar adawa ta APC ta samu a kan jam’iyya mai mulki PDP a zaben Shugaban kasa da aka gudanar a cikin watan Maris, 2015.

NAIJ.com ta samu daga majiyar ta ta Premium Times Hausa cewa ba a zaben shugaban kasa kadai PDP ta sha mummunan kaye ba, har ma da zaben gwamnoni, inda a Arewa ta tsira da jihohi biyu tal, da yarfe gumin goshi, wato jihohin Gombe da Taraba.

Tashin farko dai ya kamata mai karatu ya san cewa dukkan ‘yan takarar PDP da na APC duk daga Arewa za su fito.

1: SULE LAMIDO:

A siyasance, kuma a Arewacin Najeriya tsohon Gwamnan Jihar,Jigawa, Sule Lamido shi ne ya fi kowa gogewa da kuma gogayya a yanzu a cikin jam’iyyar PDP, har ma da APC din ita kan ta. Tashin farko da mutum ne mai ra’ayin akidar kawo sauyi. Irin mutanen nan ne da kan dauki siyasa bakin-rai-bakin-fama. Ba kasala kuma ba gajiya.

Duk wani abin da ake ci ko ake sha na riba ko wahalar siyasa, to Sule Lamido ya ci kuma ya sha. Sunan sa ba zai taba kankaruwa ba a matsayin daya daga cijin kungiyar G9 ko G10 da suka rika yakin fatattakar sojoji daga kan mulki da nufin dawo da dimokradiyya cikin 1998.

Jiga-jigan yan jam'iyyar PDP dake son maye gurbin Buhari a zaben 2019

Jiga-jigan yan jam'iyyar PDP dake son maye gurbin Buhari a zaben 2019

2. ALI MODU SHERIFF:

Sanata Ali Modu Sheriff, tsohon Sanata ne kuma tsohon gwamnan Jihar Barno daga tsohuwar jam’iyyar APP. Daga baya ya koma jam’iyyar PDP. Ya na da karfin siyasa matuka, sai kuma ganin yadda shigar sa jam’iyyar PDP ta haifar da rudu, hakan ya rage masa wani tasiri kuma ya dusashe hasken tauraron sa.

Masu nazarin siyasa sun ce tatsuniyar siyasa da rikicin shugabancin jam’iyya wanda Sheriff ke yi da Sanata Ahmed Makarfi, duk fada ne na share fagen tsayawa takarar shugabanci a zaben 2019.

3. AHMED MAKARFI:

Sanata Ahmed Makarfi na daya daga cikin wadanda ake ganin suna son tsayawa takarar shugabancin kasar nan a karkashin jam’iyyar PDP. Ana ganin dalili kenan ya tsaya ya ke ta tafka rikicin shugabanci tsakanin sa da Sanata Sheriff. Makarfi tsohon gwamna ne a jihar Kaduna tsakanin 1999 zuwa 2007.

Jiga-jigan yan jam'iyyar PDP dake son maye gurbin Buhari a zaben 2019

Jiga-jigan yan jam'iyyar PDP dake son maye gurbin Buhari a zaben 2019

Ya kasance a zamanin sa rikice-rikicen addini da na siyasa sun dabaibaye jihar. Sai dai namijin kokarin da ya yi wajen shawo kai da magance kashe-kashe a cikin Kaduna sun janyo masa farin jibi sosai, musamman yadda ya rika kakkafa kananan sansanonin sojojin kar-ta-kwana a unguwannin da ake ganin daga can ne ake cunna wutar fitintinu.

Zai iya samun goyon bayan ‘yan jam’iyyar.

4. IBRAHIM SHEKARAU:

Tsohon Gwamna a Jihar Kano daga 2003 zuwa 2011, Malam Ibrahim Shekarau ya fice daga jam’iyyar ANPP ya koma PDP tun bayan da Kwankwaso ya koma APC. Hakan ta faru ne ganin cewa a lokacin Kwankwaso ne gwamna, wato jagorancin jam’iyya ya koma a hannun babban abokin adawar sa.

Shekarau ya koma PDP da kafar dama, domin Tsohon Shugaban Kasa Goodluck Jonathan ya ba shi mukamin Minista Ilmi. Ya na da magoya baya sosai, kuma ya iya siyasa. Sai dai kuma rashin saurin kakkafa jama’a da neman magoya baya, su ne matsalar sa.

5. IBRAHIM DANKWAMBO:

Ibrahim Dankwambo ba zai ta da hankalin ‘yan siyasa ba musamman ‘yan jam’iyyar PDP saboda kusan shine wanda bai taba wuce mukamin gwamna ba a siyasance cikin wadanda ake sa ran za su goge raini idan har shugaban kasa Muhammadu Buhari ba zai yi takara ba.

Ko da yake ya nuna bajintarsa a zaben 2015 inda ya ja da Danjuma Goje kuma ya kasa dan takaran jam’iyyar APC a jihar duk da goguwar Buhari da ta mamaye duk Arewa a wancan lokacin.

Ibrahim Dankwambo yana da burin ya fi haka bayan ya kammala wa’adinsa na gwamnan a jihar Gombe. Shima zai fito da tasa salon idan har ya zai bidi kujeran shugabancin Kasa Najeriya.

6. DAVID MARK:

Tsohon shugaban majalisar dattijai David Mark na daya daga cikin ‘yan arewan da zasu iya zama shugaban kasa a Najeriya.

Jiga-jigan yan jam'iyyar PDP dake son maye gurbin Buhari a zaben 2019

Jiga-jigan yan jam'iyyar PDP dake son maye gurbin Buhari a zaben 2019

Koda yake ba shahararren dan siyasa bane idan har za a yi gwaji a tsakanin wadanda zasu iya fitowa a jam’iyyarsa ta PDP, David Mark kwararrene ne kuma shahararren dan majalisa ne kuma yana da saukin kai da iya jagorantar mutane.

Gashi tsohon soja kuma attajiri, har yanzu yana da karfin gaske a siyasar jiharsa ta Benue da kuma ta kasa.

Ku ci gaba da bin mu a Facebook: https://www.facebook.com/naijcomhausa da

Kuma Tuwita: http://twitter.com/naijcomhausa

Source: Hausa.naij.com

Related news
Kuma dai, an sake kai hari a wani ƙauyen jihar Filato, an ƙona gidaje

Kuma dai, an sake kai hari a wani ƙauyen jihar Filato, an ƙona gidaje

An sake kwatawa: An cigaba da kai hare hare a jihar Filato – Inji Yansanda
NAIJ.com
Mailfire view pixel