Yaki da sata: Ka ji wani shiri da Sanatocin Najeriya ke yi

– Majalisa za ta tabbatar da wani kudiri a watan 7

– Kudirin nan na tona asirin barayi zai zama dokar kasar

– Hakan zai taimaka wajen yaki da sata a Najeriya

Magu ya bayyana cewa EFCC na bankado makudan kudi sanadiyar sabon tsarin nan.

Tsarin na tona asiri-ka samu rabon ka yana aiki ainun.

Majalisa tace ta kusa shigar da shi cikin dokokin kasar.

Shugaban Majalisar Dattawa Bukola Saraki yace nan da dan lokacin Majalisa za ta gama aiki kan kudirin da aka kawo mata na tonon asiri. Idan har kudirin ya shiga cikin dokokin kasar zai taimaka wajen yaki da sata kwarai.

KU KARANTA: EFCC ta kara damke wani tsohon Gwamna

Haka kuma akwai wasu kudirori da shugaban kasa ya aiko wanda sun dade a Majalisar da Dr. Bukola Saraki yace za ayi kokari domin tabbatar da su. Hakan zai sa sata ya rasa gindin zama a kasar.

Kasar Ingila tace an saci sama da Dala Biliyan 480 daga 1960 zuwa yanzu Gidan tarihin nan na Afrika watau Chatham House yayi wannan nazari. Jakadan kasar Birtaniya yace sata da cin hanci ne ke kashe Najeriya.

Ku same mu a https://www.facebook.com/naijcomhausa Ko a http://twitter.com/naijcomhausa

An tasa wani Sanatan Anambra a gaba

Asali: Legit.ng