A ranar Asabar ne za a soma azumi a kasar Saudiya

A ranar Asabar ne za a soma azumi a kasar Saudiya

- Hukumomin Saudiya da Daular Larabawa sun sanar cewa za su fara azumin bana a ranar Asabar nan mai zuwa

- Sanarwar ta biyo bayan rashin ganin jinjirin watan Ramadan a ranar Alhamis

- Kasar Lebanon ma ta bayyana ranar asabar a matsayin ranar da zata tashi da azumin Ramadan

Hukumomin kasashen Saudiya da Daular Larabawa sun bayyana a ranar Asabar, 27 ga watan Mayu cewa za su fara azumin watan Ramadan bayan kasa ganin jinjirin watan a yau Alhamis, 25 ga watan Mayu.

Sanarwar da hukumomin kasashen biyu suka bayar ta nuna cewar ba a ga jinjirin watan Ramadan a ranar Alhamis ba, saboda haka watan Sha'aban zai cika 30 a ranar Juma’a, 26 ga wata Mayu kuma ranar Asabar za ta kasance daya ga watan Ramadan.

Kasar Lebanon ita ma ta bayyana ranar asabar a matsayin ranar da za a tashi da Azumin Ramadan a kasar.

Zuwa yanzu babu sanarwa da ta fito daga kasar Iran.

KU KARANTA KUMA: Za’a fara neman watan Ramadan ranar Juma’a – Inji Sultan

A Najeriya tun ranar Laraba, 24 ga watan Mayu ne mai girma Sarkin Musulmi ya bayar da umurnin fara dibon watan na Ramadan.

Azumin watan Ramadan, yana cikin shika-shikan Musuluci kuma al’ummar Musulmi sukan kauracewa ci da sha da saduwa da iyali tun daga fitowar al fijir har zuwa faduwar rana.

Ku biyo mu a https://www.facebook.com/naijcomhausa

Ko a http://twitter.com/naijcomhausa

Ga bidiyon tsohon direban Bishof David Abioye wanda ya karbi musulunci yayin da ya yi murabus da cocin Living Faith Church

Source: Hausa.naij.com

Related news
Allah Sarki: Wata dattijuwa ta samu waraka daga makanci sanadiyar aikin agajin lafiya na soji

Allah Sarki: Wata dattijuwa ta samu waraka daga makanci sanadiyar aikin agajin lafiya na soji

Dattijuwa ta samu warakar makanta bayan aikin agajin Soji na inganta lafiya a Ribas
NAIJ.com
Mailfire view pixel