YANZU YANZU: Tsohon ministan lafiyar Najeriya Babatunde Osotimehin ya rasu

YANZU YANZU: Tsohon ministan lafiyar Najeriya Babatunde Osotimehin ya rasu

- Wani tsohon ministan lafiyar Najeriya, Babatunde Osotimehin ya mutu

- Har mutuwar sa, Osotimehin ya kasance babban darakta a hukumar kula da yawan al'umma ta majalisar dinkin duniya (UNFPA)

- Ya kuma kasance tsohon shugaban makarantar koyon likitanci, jami’ar Ibadan

Allah ya yi wa tsohon ministan lafiya na Najeriya kuma babban darakta a hukumar kula da yawan al'umma ta majalisar dinkin duniya (UNFPA), Farfesa Babatunde Osotimehin, rasuwa.

NAIJ.com ta tattaro cewa an haifi Osotimehin wanda aka haifa a ranar 6 ga watan Fabrairun shekara ta 1949 ya kasance tsohon shugaban makarantar koyon likitanci a jami’ar Ibadan.

KU KARANTA KUMA: Gada ya fadi a jihar Niger (HOTUNA)

Marigayin ya mutu yana da shekaru 68 a duniya.

YANZU YANZU: Tsohon ministan lafiyar Nigeria Babatunde Osotimehin ya rasu

Mabatunde Osotimehin

Premium Times ta rahoto cewa majiyoyi kusa da tsohon ministan sun bayyana cewa ya mutu sassafiyar ranar Litinin, 5 ga watan Yuni.

Sanarwar ba ta bayyana sababin mutuwar tasa ba, amma dai ta ce iyalansa sun "nuna godiya ga Allah kan tsawon rai" da kuma nasarorin da ya bashi a rayuwarsa ta duniya.

Ya rike mukamin ministan lafiya a lokacin mulkin Marigayi Shugaba Umaru Musa 'Yar'adua daga shekara ta 2007 zuwa 2010.

Sai a nan gaba ne za a bayyana lokaci da kuma inda za a binne marigayin.

Ku same mu a https://www.facebook.com/naijcomhausa

Ko a http://twitter.com/naijcomhausa

Ministan sufuri Rotimi Ameachi ya fadi nasarorin gwamnatin Buhari

Source: Hausa.naij.com

Related news
Wani sojan da ya gudu daga yaki da Boko Haram ya shiga hannu jami'an tsaro

Wani sojan da ya gudu daga yaki da Boko Haram ya shiga hannu jami'an tsaro

Wani sojan da ya gudu daga yaki da Boko Haram ya shiga hannu jami'an tsaro
NAIJ.com
Mailfire view pixel