'Fasa sayarwa da Najeriya makamai ko jiragen yaki bazai hana ta iya yaki da ta'addanci ba, inji sojin Najeriya

'Fasa sayarwa da Najeriya makamai ko jiragen yaki bazai hana ta iya yaki da ta'addanci ba, inji sojin Najeriya

- Rundunar sojan Najeriya ta ce ko da Amurka ta fasa sayar wa Najeriya jiragen yaki, hakan ba zai shafi yakin da sojojinta ke yi da mayakan Boko Haram ba.

- Rundunar ta mayar da martani ne ga shawarar da wasu sanatocin Amurka biyu suka bai wa Shugaba Donald Trump kan ya sake tunani game da shirin sayar wa Najeriya jiragen yaki domin taimaka mata wajen murkushe Boko Haram.

'Yan majalisar sun ce dole Najeriya ta binciki zarge-zargen keta hakkin bil adama da ake yi wa sojanta kafin a sayar mata da jiragen yakin 12.

Ciki har da kisan da sojoji suka yi wa 'yan Shia a garin Zaria da ke arewacin kasar da harin da aka kai bisa kuskure kan sansanin 'yangudun hijira a Rann da ke jihar Borno da kuma zargin kisan mutane a barikin Giwa a shekarar 2014.

KU KARANTA KUMA: An baiwa El-Rufai wa'adin sati uku shima a Kaduna

A wata hira da BBC ta waya, kakakin hedikwatar tsaron Najeriya Major-Janar John Enenche, ya ce: "Matakin ba zai shafi yadda muke yaki da Boko Haram ba, babu wani abin damuwa saboda sanatoci biyu ne suka rubuta takardar daga cikin dumbin sanatocin da ke Amurka."

'Fasa sayarwa da Najeriya makamai ko jiragen yaki bazai hana ta iya yaki da ta'addanci ba, inji sojin Najeriya

'Fasa sayarwa da Najeriya makamai ko jiragen yaki bazai hana ta iya yaki da ta'addanci ba, inji sojin Najeriya

Kan batun take hakkin dan Adam na harin Rann da kuma kisan 'yan Shia, kuwa cewa ya yi:

"Batun rikicin 'yan Shia da sojoji ba sabon abu ba ne. Abin da ya faru lokaci mai tsawo da ya wuce. kuma babu bincike da hukumar kare hakkin dan Adam ta Najeriya ba ta ba a kan batun. Babu binciken da gwamnatin Jihar Kaduna ba ta yi ba. Kuma gashi an wanke mu?"

Tuni Najeriya ta fara sayo jiragen yaki a kasashen Brazil da kuma Pakistan.

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Source: Hausa.naij.com

Related news
Magoya bayan Ali Modu Sheriff na ci gaba da ficewa zaga PDP

Magoya bayan Ali Modu Sheriff na ci gaba da ficewa zaga PDP

Wasu jiga-jigan jam'iyyar PDP magoya bayan Ali Modu Sheriff sun shilla zuwa APC
NAIJ.com
Mailfire view pixel