Labarai

Mutane 13 da sukafi kowa dadewa a majalisar dokokin tarayya

Asabar, Yuni 17, 2017 at 2:56 Yamma daga Mudathir Ishaq

Jaridar Daily Trust ta tattaro sunayen yan majalisan dookokin tarayya da suka zamar da majalisar tamkar gidan gadonsu yayinda har yanzu aka rasa wanda ya iya tunbukesu a mazabunsu.

Kan gaba a cikinsu shine tsohon shugaban majalisar dattawa, David Mark inda rahotanni sun nuna cewa tun da aka kayar da shi a majalisar, shiru yakeyi tamkar kurma a majalisa.

Ga jerin yan majalisan da sukayi kowa dadewa a gidan:

1. David Alechenu Bonaventure Mark (PDP, Benue, 1999- har ila yau)

Mutane 13 da sukafi kowa dadewa a majalisar dokokin tarayya
Asali: Facebook

An haifesa shekarar 1948, David Mark tsohon soja ne kuma ya zo majalisar a shekarar 1999 karkashin jam’ iyyar PDP.

2. Ahmad Ibrahim Lawan (APC, Yobe, 1999-har ila yau)

Sanata Ahmed Lawan wanda tsohon malami ne haifaffen dan jihar Yobe ne, a rana Litinin din da ya gabata yayi murnan ccikarsa shekaru 18 a majalisa.

3. Nicholas Ebomo Mutu (PDP, Delta, 1999-)

Wannan dan majalisan wakilai da ke wakiltan mazabar Bomadi/Patani a jihar Delta ya shigo majalisa yana dan shekara 39.

4. Ike Ekweremadu (PDP, Enugu, 2003-)

Mataimakin shugaban majalisar dattawa wanda ke wakiltan Enugu ta yamma ya shigo majalisar ne bayan shugabancin karamar hukumar Aninri a jiharsa ta Enugu.

5. Femi Gbajabiamila (APC, Lagos, 2003-)

Dan majalisan mai wakiltar Surulere a jihar Legas ya kasance shugaban masu rinjayen majalisa bayan ya sha kasha a zaben kakakin majalisar a shekarar 2015.

6.Ali Ndume (APC, Borno, 2003-)

Sanata Ali Ndume wanda ya shigo majalisa a matsayin wakilin da karasa majalisar dattawa inda yake wakiltan Borno ta kudu, ya kasance shugaban masu rinjaye a majalisan ne kafin aka tunbukesa sanadiyar rikici da ya samu da shugaban majalisan dattawa, Bukola Saraki da sanata Dino Melaye.

7. James Manager (PDP, Delta, 2003-)