Ka taba jin labarin wani Gwamna da Buhari ya daure na shekara 300

- Sabo Bakin-zuwo yayi Gwamnan Jihar Kano a shekarar 1983

- Bakin-zuwo ya buge Abubakar Rimi ya hau kujerar Gwamna

- Sai dai bai je ko ina ba Janar Buhari yayi juyin mulki a Kasar

Wanene Sabo?

Sabo Bakin-zuwo yayi Gwamnan Jihar Kano na dan lokaci a shekarar 1983 bayan ya doke abokin hamayyar sa Gwamna Abubakar Rimi bayan Rimi ya sauya sheka. Asali iyayen Sabo mutanen Kasar Neja ne su ka tare a Kano.

Tsohon Gwamnan Kano da Buhari

Kafin zama Gwamna

Kafin nan Sabo yayi Sanata a shekarar 1979 inda ya tabuka abin kirki a Majalisar. Sabo ya wakilici Kano ta tsakiya ne a lokacin daga shekarar 1979 zuwa 1983.

KU KARANTA: Manyan ayyukan da Osinbajo yayi a makon jiya

Gwamnan Jihar Kano

Sabo ya zama Gwamna a karkashin Jam'iyyar PRP bayan ya doke Abubakar Rimi. Sabo ya kawo sauye-sauye a lokacin sa daga ciki har da rusa wasu Masarautu.

Karatun Boko

An ce Sabo bai taba karatun Boko ba amma dai yace yayi karatun sa ne a gidan babban Dan siyasar nan Malam Aminu Kano. Bakin-zuwo dai yayi aikin kamfe ta kafafen rediyo.

Zuwan Janar Buhari zuwa gidan Yari

Janar Buhari ya kifar da Gwamnatin kasar a karshen shekarar ta 1983. Janar Buhari ya kama manyan 'Yan siyasar Kano da dama ciki har da Gwamna Sabo. An samu kudi kusan Dala Miliyan 10 a wannan lokaci a gidan sa. Gwannan yace dai kudin Jihar Kano ne ya adana a gidan sa. Shugaban kasar Janar Buhari ya yankewa Sabo Bakin-zuwo da wani Kwamishinan sa shekaru 300 a gidan yari.

Mun tsakuro wannan tarihi daga https://abiyamo.com

Idan ka na da wata shawara ko bukatar ba mu labari, a tuntube mu a labaranhausa@corp.legit.ng

Ku same mu a https://www.facebook.com/naijcomhausa Ko a http://twitter.com/naijcomhausa

Sanata Uba ya karbi tikitin APC

Asali: Legit.ng