Wasu gawurtatun mafarauta 2 sun shiga hannun hukuma a Bauchi

- Hukuma ta cafke mutane 2 masu haramtaciyar farauta a garin Bauchi

- Mafarautan sunyi yunkurin kai hari ga jami'an hukumar gandun daji amma basuyi nasara ba

- Alkali ya yanke musu hukunci daidai da irin laifunka da suka aikata

Hukumar kulla da gandun dajin jihar Bauchi ta sama nasarar cafke wasu gawurtatun masu haramtaciyar farauta guda 2 masu suna Amos Bitrus da kuma Danjuma Sale.

An kama mafarautan ne a yankin Tungan-Baki da ke jihar Bauchi a ranar 30 ga watan Yulin wannan shekaran, an same su ga gwagwon biri guda 1, wasu birai guda 3, bauna guda daya, Aladun daji guda 2 da kuma zabuwa guda 1.

Mafarautan kuma suna tafe da karnukan farauta guda 7, kuma sunyi yunkurin fada ma jami'an gandun dajin da fada amma basu yi nasara ba.

DUBA WANNAN: Dalilin da yasa muka ki amincewa da Magu a matsayin shugaban EFCC - SarakiDalilin da yasa muka ki amincewa da Magu a matsayin shugaban EFCC - Saraki

Rahotanni sunce Alkali ya yanke ma Danjuma hukunci shekara biyu a gidan kaso, tunda a shekaran baya an taba samun sa da laifin farauta a gadun dajin Yankari. Shi ko Amos kotu ta yanke masa hukunci zama na wata 6 a gidan kaso tunda wannan ne laifin sa na farko.

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wani shawara ko bukatan bamu labari, tuntube mu a labaranhausa@corp.legit.ng

Asali: Legit.ng