'Yan wasan kwallon kafa da su ka fi tsada a tarihi

- Mun kuma kawo jerin 'Yan wasan da su ka fi tsada a Duniya

- Daga ciki akwai sabon Dan wasan Kungiyar Barcelona Dembele

- Dan wasa Neymar Jr. ya fi kowa tsada a Duniyar kwallon kafa

A yau ma mun kuma kawo jerin 'Yan wasa 5 da su ka fi tsada a tarihin Duniya.

1. Neymar Jr.

Tsohon Dan wasan Barcelona Neymar Jr. ya fi kowa tsada a Duniyar kwallon kafa bayan ya bar kulob din zuwa Kungiyar PSG ta Kasar Faransa kan kudi Miliyan €222.

2. O. Dembele

Sabon Dan wasan Barcelona Ousman Dembele ne na 2 a jerin 'Yan wasa mafi tsada a Tarihi bayan Dortmund ta saida shi a kan kudi kusan Miliyan €145.

KU KARANTA: Arsenal ta sha mugun kashi wajen Liverpool

3. Pogba

Dan wasa Paul Pogba ne dan kwallo na 3 mafi tsada a Tarihi. Manchester United ta saye Pogba daga Juventus kan kudi Miliyan €100.

4. Bale

Dan wasan Real Madrid Gareth Bale ne na 4 a jerin ‘Yan wasan da su ka fi tsada a Duniya. Real ta saye Bale daga Tottenham kan kudi Miliyan €100.

5. Ronaldo

Cristiano Ronaldo ya dade a matsayin wanda ya fi kowa tsada a Duniya. Real Madrid ta saye Dan wasan kan kudi Miliyan €94 daga Manchester United a shekarar 2009.

Idan ka na da wata shawara ko bukatar ba mu labari, a tuntube mu a labaranhausa@corp.legit.ng

Ku same mu a https://www.facebook.com/naijcomhausa

Ko a http://twitter.com/naijcomhausa

Beraye sun hana Shugaba Buhari sakat

Asali: Legit.ng