Wani matashi mai suna Haruna Inka Kankiya ya rasa rayuwarsa

Wani matashi mai suna Haruna Inka Kankiya ya rasa rayuwarsa sanadiyyar gasar wasan ruwa da aka shirya don bikin Sallah a karamar hukumar Kankiya dake jihar Katsina

Wakilin Legit.ng ya ruwaito cewa matashin ya rasa rayuwarshi ne bayan ya lashe zagaye na farko dana biyu da aka shiryawa gasar a yayin gudanar da zagaye na ukun ne ya tarar da ajalinsa bayan ya kwashe sama da mintuna 40 a cikin ruwan hakan ne tasa alkalan wasan suka bada damar shiga don lalubo matashin wanda daga bisani aka tabbatar da ya rasu a cikin ruwan.

Wasan ya zamo irinsa na biyu kenan daya taba gudana a garin na Kankiya wanda a shekarar data gabata aka shirya makamancinsa a wannan wuri kuma aka kammala lafiya.

Gasar ta samu halartar Hakimin Kankiyan Alhaji Musa Hassan Sada da dagattai da masu unguwanni dama'yan siyasa wanda al’amarin ya faru a gabansu.

Asali: Legit.ng